ناس كتير مننا ماكنـش ليها فـ السياسة بحكم
النظام السابق وديكتاتوريته أو لقمة العيش اللي كل الناس بتجري عليها وتعتبر
المحور الأساسي فـي حياة كل مصري وتكفي جدا لشغل تفكيره وكمان ماتسيبش مكان لأي
حاجه تانيه
لكن فيه حاجات اتغيرت بعد ثورة 25 يناير
بدأ يقع علي مسمعنا بعض من الكلمات الدرجه
بين الناس لكنها مبهمه في معناها لأغلبيتهم
زي ( دستور - شرعيه - تأسيسيه ... الخ )
ماحدش فينا كان يعرف معناهم أو ماحدش كان بيحاول يعرف اللهم الا القليل
أفتكر أول مره الناس بدأت تردد كلمة دستور
كتير كان من فيلم (عايز حقي ) فيلم كوميدي بس بيناقش قضيه مهمه جدا ماخدناش بالنا
منها غير بعد الثورة
يعني ايه دستور ؟؟
وايه هي مواد الدستور ده ؟؟
بدأ يطرح أسئله كتير علي الساحه وكمان الناس
بقت عايزة تفهم وتعرف ايه هي حقوقها ..
الي أن وصلنا لنقطة وقف عندها الجميع
نقطة خلاف فصل فيها استفتاء استغلته بعض
الجهات لصالحها علي حساب جهل فئه معينه من الشعب
الاستفتاء كان بين (نعم) نعدل الدستور
الموجود لحين اجراء انتخابات مجلس شعب وشوري وانتخابات رئاسة وبعدها نبدأ بصياغة
دستور جديد
وبين ( لا ) نكون لجنة تأسيسيه توافقيه تضع
دستور جديد وعلي أساسه تأتي السلطة التشريعيه والتنفيذيه
ومن هنا انطلقت الحرب البارده وتضارب المصالح
بقي كل حزب وطائفه تحاول استخدام نتيجه
الاستفتاء لمصلحتها لحد ما وصلنا لحارة سد نتيجه استغلال بعض الجماعات الناحية
الدينيه عند الشعب ( اللي هو المفروض متدين بطبعه .. )
وأقنعوا الناس ان ده هو الصح !!
وبقي اعلان دستوري يشيلنا واعلان دستوري
يحطنا
شوية من العسكر وشوية من الرئيس المنتخب
وتطلع النخبه اللي ليها مصالح تهلل وتؤيد
وتقول انتوا مش فاهمين حاجه بكره تفهموا
وبكره ده مابيجيش أبدا !!
سنتين مروا علي بلد يقال أنها بلد ديمقراطي
بدون دستور
سنتين شوفنا فيهم كمية تضاربات وتناقضات حصري
في بلدنا وبس .. ولسه من غير دستور !!
الي أن جاءت اللحظه الحاسمه
لحظة اجتماع اللجنه التأسيسيه للدستور
لمراجعته في يومين وتقدموا للرئيس عشان يوافق عليه ويطرحوا للاستفتاء الشعبي
ومبقاش قدامنا غير اختيارين
يا نقول نعم للدستور بكل ما يحتويه من مواد
سواء كانت مواد دستورية صحيحه أو غير ذلك
اما يفضل الاعلان الدستوري الي أجل غير مسمي
لحين ما ربنا يكرمنا بدستور تاني بقي
ونقف هنا عند سؤال
ياتري الدستور المطروح للاستفتاء بيخدم الشعب
فعلا ولا جزء معين من الشعب ؟؟؟!!!
هل هو ده دستور جمهورية مصر العربيه .. ولا
سلق بيض من التأسيسية ؟؟؟!!!
وتبدأ المرحلة المعتادة لدي الشعب المصري
نعترض ونؤيد .. ننتقد ونخون .. وبعدين نقول
أي كلام .
رسالة الي كل مصري .. رجل وامرأة .. مسلم
ومسيحي
نحن الآن علي حافة الهاوية اما ان تمر هذة
المرحله الانتقاليه بدستور يحفظ حقوقنا .. أو سنسقط جميعا الي القاع ...
رساله أخيره لأولي الأمر
احنا طلبنا بسيط أوي
عايزين دستور مصري يحمي حقوقنا ويصون كرامتنا
دستووووووووووور يا عالم .. دستور يا أسيادنا
ليست هناك تعليقات:
إرسال تعليق